Námskeið Kyrrðarkrafts
Skipulag námskeiðs
Jóga, heilbrigt mataræði, hugleiðsla, náttúruupplifun og sjálfsmildi eru gegnumgangandi á námskeiðum okkar. Í hverri viku koma gestakennarar sem veita fræðslu um þætti sem skipa veigamikinn sess í að vinna gegn streitu, svo sem svefn, næringu, samskipti og markmiðssetningu. Mögulegt er að skrá sig á einstaka vikur eða námskeiðið í heild.
- Kannaðu niðurgreiðslu hjá þínu stéttarfélagi!
KOSTIR NÁMSKEIÐS
HEILANDI NÁTTÚRA
EFLING EINSTAKLINGSINS
HEILNÆMT MATARÆÐI
Þátttakendur eru umvafðir dulmagnaðri náttúru Stranda og nálægð við villt dýralíf. Náttúran hefur heilandi áhrif sem Kyrrðarkraftur mun vinna með.
Við erum öll ólík og eigum okkar einstöku sögu. Þess vegna vill Kyrrðarkraftur vinna með litlum hópum svo hver einstaklingur fái rými og stuðning til að koma á jafnvægi í líf sitt.
Þátttakendur læra ekki einungis um mikilvægi góðrar næringar heldur fá þeir þjálfun í að elda og koma á góðum matarvenjum með dyggri aðstoð og leiðbeinslu kennara.
SVEFN OG NÁTTÚRUTENGING
Vikan 10. - 14.maí
Gestakennari vikunnar er Þórhildur sem er jógakennari og hagfræðingur. Hún hefur rannsakað hvernig megi hámarka gæði svefns sem hægt er að nýta í daglegu lífi enda góður svefn forsenda góðs lífs. Við leggjum jafnframt áherslu á að tengjast náttúrunni með kyrrðargöngum og fylgjumst með náttúrunni vakna af vetrardvala. Þessa vikuna leiða Þórhildur og Esther hugleiðslu, jóga og ígrundun.
-
Við verðum úthvíld og endurnærð eftir vikuna!
SAMSKIPTI OG RÆKTUN
Vikan 17. - 24.maí
Gestakennarar eru fjölskylduráðgjafarnir Rakel og Ásta. Þær leiða okkur í gegnum hvernig við getum stuðlað að jákvæðum og uppbyggilegum samskiptum í lífinu. Hildur Dagbjört verður jafnframt með okkur þessa viku og aðstoðar okkur í ræktun enda teljum við að tengsl við náttúru og plöntur auk heilbrigðs mataræðis geri gæfumuninn. Esther og Anna Björg leiða jógatíma og hugleiðslu
-
Ræktum bæði samskipti og jurtir og uppskerum í samhengi við það!
NÆRING OG NÚVITUND
Dagsetning auglýst síðar
Gestakennari vikunnar er Elísabet næringarfræðingur og veitir hún fræðslu og leiðbeiningar um hvernig við getum innleitt hollara mataræði í líf okkar. Þess utan leggjum við áherslu á núvitund og leitumst við að finna aukna hugarró með hjálp jóga og hugleiðslu sem Esther og Anna Björg leiða.
-
Þú getur treyst því að fara heim með mettan maga og tæran huga!
Verðskrá
Hægt er að skrá sig á allar vikurnar, tvær eða bara eina. Lágmarksfjöldi skráninga þarf að hafa nást tveimur vikum fyrir upphaf námskeiðs. Hóparnir eru litlir og því fá pláss í hverri viku.
- Við bjóðum upp á sérstakt kynningarverð, kannaði niðurgreiðslu hjá þínu stéttarfélagi!
Aðstaða
Starfsemi Kyrrðarkrafts fer fram í Þróunarsetrinu á Hólmavík á Höfðagötu 3. Á jarðhæð er samkomurýmið Hnyðja sem er bjart og huggulegt og munu tímar og fræðsla fara fram þar.
